Istória badak: Iha fulan Fevereiru, iha illa ida iha tasi laran

 

Moris husi moris. Ha’u lao iha tasi ibun Praia dos Coceirros iha dader ida iha fulan Fevereiru. Fulan Fevereiru, fulan ida ne’ebé ema lubuk iha mundu, liu-liu iha Timor hein hodi espresa sira-nian domin iha loron Valentine’s. Artigu ida iha internet dehan mai ha’u katak loron Valentine’s ne’e inspira husi Santo Valentino ninian fuan no aksaun osan Mean. Nia fó sasan maka nia iha no domin ba ema kiak lubuk iha tempu dook liu ba iha Europa ne’eba. 

Derepenti ha’u-nian ain-rua ne’ebé lao iha rai-henek tasi para, tamba ha’u-nian matan-rua ne’e haree buat-ruma, iha laran ha’u bisbisu “ne’eba ne’e saida? Nusa maka buat sira ne’e nama-lele iha tasi-been, halo tasi nakonu ho sira deit”. Ain-rua ne’e hakat ba dadaun hodi ba haree besik liu tan, ikus-mai too duni hodi haree besik, ho la-hakfodak ha’u dehan “lixu sira ne’e maka hanesan tia illa ou rai-aas ida iha tasi laran paah!” Antes sai lixu sasan sira ne’e ema produs hodi ajuda ema-nian moris atu fasil liu tan. Maibe depois sai lixu ema uza hodi estraga sira-nian hela-fatin. Hela-fatin maka ita horik no tuba’a ba. Iha-laran ha’u koalia tan “karik sei diak, kuandu Santo Valentino ne’e moris iha Timor. Tasi sira sei hetan domin la’os lixu. Triste paah!”

Hakerek nain: Mariani VK.