Galeria Hakerek Mariani VK.

Dadeer to’o kalan, Anita sei tuur honoin murón. Nia, iha hanoin barak tebes. Kona-ba saida maka nia atu halo bainhira nia to’o iha     sidade boot, Dili. Anita, remata ona ninian eskola sekundária iha Maliana. Maibe nia mai husi suku Tapo. No Anita remata ninian eskola primária iha Tapo no Pre-sekundária iha Bobonaro vila. Nia moris tomak seidauk husik Munisipiu Bobonaro. Munisipiu Bobonaro sai hanesan àrea Timor-Leste nian ne’ebé fronteira ho àrea Indonezia. Ema iha Munisipiu Bobonaro bolu ema sira iha parte Indonezia ho “ema mota sorin” ou “sira mota sorin”. Han kalan tau ona iha meza, maibe Anita sei tuur murón. Haree ida ne’e, Anita-nia avó-feto dehan “bei-oan, mai ita han ona. Sei lae Tapo-nian anin malirin, hamalirin ona hahán sira ne’e”. Anita hatan nia avó ho diak no lao ba tuur iha meza ho ninian avó hodi han. Bainhira, Anita atu aruma bikan mamuk sira ne’e, nia avó komesa ko’alia “nusa maka loron tomak ne’e bei-oan tuur hodi hanoin barak los ne’e?”, ho kuidadu Anita ...

  Moris husi moris. Ha’u lao iha tasi ibun Praia dos Coceirros iha dader ida iha fulan Fevereiru. Fulan Fevereiru, fulan ida ne’ebé ema lubuk iha mundu, liu-liu iha Timor hein hodi espresa sira-nian domin iha loron Valentine’s. Artigu ida iha internet dehan mai ha’u katak loron Valentine’s ne’e inspira husi Santo Valentino ninian fuan no aksaun osan Mean. Nia fó sasan maka nia iha no domin ba ema kiak lubuk iha tempu dook liu ba iha Europa ne’eba.  Derepenti ha’u-nian ain-rua ne’ebé lao iha rai-henek tasi para, tamba ha’u-nian matan-rua ne’e haree buat-ruma, iha laran ha’u bisbisu “ne’eba ne’e saida? Nusa maka buat sira ne’e nama-lele iha tasi-been, halo tasi nakonu ho sira deit”. Ain-rua ne’e hakat ba dadaun hodi ba haree besik liu tan, ikus-mai too duni hodi haree besik, ho la-hakfodak ha’u dehan “lixu sira ne’e maka hanesan tia illa ou rai-aas ida iha tasi laran paah!” Antes sai lixu sasan sira ne’e ema produs hodi ajuda ema-nian moris atu fasil liu tan. Maibe depois sai li...

                                  Labarik mane ne’e hatais kamizola kór kinur malahuk ho kuak barak iha ninian lolon, ninian kalsa badak kór metan ho la-iha bolsu. Ninian ain hafalun ho sinelus ne’ebé ninian lolon hakerek  New Era . Nia lao liu husi ha’u-nian oin, ha’u ne’ebé lokraik ne’e hamriik hela iha estrada ninin hodi hein taksi iha area Bee-duku. Nia liman rua ne’e kaer plástiku kór metan, no nia hakilar “ai-daak  limah puluh cent … ai-daak  limah puluh cent …” Rona ida ne’e, ha’u hamnasa mihis, hakilar ne’e lori ha’u ba memoria otas labarik nian. Iha otas labarik, ha’u no belun sira kahur ai-daak fuan iha botir uzadu sumu  ABC  ho masin, masin-midar, no ai-manas. Ikus mai, doko botol ne’e hodi hakahur antes hatama ba ibun laran ho ksolok. Ha’u ko’alia ba an, dehan “ksolok ne’e la-folin ho osan-mean barak”.  Mariani VK.