Istória badak: Ai-daak fuan
Labarik mane ne’e hatais kamizola kór kinur malahuk ho kuak barak iha ninian lolon, ninian kalsa badak kór metan ho la-iha bolsu. Ninian ain hafalun ho sinelus ne’ebé ninian lolon hakerek New Era. Nia lao liu husi ha’u-nian oin, ha’u ne’ebé lokraik ne’e hamriik hela iha estrada ninin hodi hein taksi iha area Bee-duku. Nia liman rua ne’e kaer plástiku kór metan, no nia hakilar “ai-daak limah puluh cent… ai-daak limah puluh cent…” Rona ida ne’e, ha’u hamnasa mihis, hakilar ne’e lori ha’u ba memoria otas labarik nian. Iha otas labarik, ha’u no belun sira kahur ai-daak fuan iha botir uzadu sumu ABC ho masin, masin-midar, no ai-manas. Ikus mai, doko botol ne’e hodi hakahur antes hatama ba ibun laran ho ksolok. Ha’u ko’alia ba an, dehan “ksolok ne’e la-folin ho osan-mean barak”.
Mariani VK.
Hahalok simples maibé folin boot. Nia ki'ik. Nia otas nurak. Halo buat ne'ebé nia bele. Halo buat ne'ebé nia biban, hodi manan ksolok ida nia folin.
ReplyDeleteAi-daak 'lima puluh cent' ne'e mak ema ruma hola. Ha'u hanoin nia sei kontente liután.
Agora, dalaruma estranu uitoan. Maibé, se ita hakat tuir fali 'odan no ain-le'ut' memória nian, karik hela de'it mak saudade. Furak tebes vida labarik nian🙏. By: Rafy Belo
Hanesan maun dehan ona “simples, otas nurak, folin, ksolok”. Buat sira ne’e hotu la-presija osan mean.
ReplyDeleteObrigada ba lee, maun Rafy 🙏🏼